يا حليل زمان وناس زمان

يا حليل زمان وناس زمان
الناس دي داير تجننها حاجه اسمه الحب..

@في الفيس@

@الحب عذاب@

@الحب كالسيف ان لم تقطعه قطعك@

@حبك في القلب نار مشعللة@

@والله يا وليدات الزمن حظكم@

علي بي الايمان زمان لو جابو سيرة الحب في التلفزيون والناس يتفرجو في مسلسل..... تلقى البيت كلوووووووو دخل في ضفورو...... والاب اكب الزوقه واعمل رايح واعمل روحو امدح" السراي السراي..الجافو النوم وعقدو الراي لمتين يا مولاي"........واللا يقبل على اقرب زول ليهو يسألو وينهرو" انت ما عندك قراية؟؟؟ قوم اقراء لك قرايه تنفعك بدل قلة الادب دي"
والام تنهر في الكديسة " بس..بس..بس"......مع انو تكون مافي اي كديسة....والشفع كل شافع خته ايدو علي خشمو بايدو وقعد يضحك.....

اما لو جابو بوسة في فلم...... تعلن حالة الطوارئ..... وسبعة يوم التلفزيون ما يتفتح.....وحداد تلاتة ايام....مافي زول ينضم مع زول اللا يعاين ليهو في وجهو ساكت من الخجلة....صينية العشاء يختها كل زول يعاين فيها ساي من الخجلة ويقوم يغسل ايدو
يا حليل زمان وناس زمن